മഴമേഘം വിരിയുന്നേരം,
മഴവില്ലിന്‍ വരവും കാത്ത്,
മയിലാട്ടം കണ്ടു ഞാനീ -
തീരത്തൊന്നിരുന്നു പോയീ...
കുയിലമ്മപ്പാട്ടു പാടി -
കുറുമ്പു കൊണ്ടരികില്‍ വന്നൂ,
ഒളികണ്ണില്‍ നോക്കിയപ്പോള്‍ -
വെറുതെയൊന്നുള്ളു തുടിച്ചൂ !
ഇളന്തെന്നല്‍ വീശിയെത്തീ,
ഇമയെന്നില്‍ ചിമ്മിയതും,
ഇലയൊന്നില്‍ മഞ്ഞു തുള്ളി
ഇടറുന്നീ വെണ്ണിലാവില്‍ !
അകലേ ചെറു കാട്ടില്‍ നിന്നും,
വേഴാമ്പല്‍ പക്ഷി ചൊല്ലീ,
അരികത്തൊന്നെത്തിയെന്നാല്‍ -
പ്രണയത്തിന്‍ മധുരം തരുമോ?
മോഹത്തിന്‍ തെളിനീര്‍പ്പുഴയില്‍-
സ്നേഹത്തിന്‍ പനിനീര്‍പ്പൂക്കള്‍,
മധുവൂറും മഴയെപ്പുല്‍കാന്‍ -
നിറപുഞ്ചിരിയായോഴുകീ...
No comments:
Post a Comment