കണ്ടാല്‍ കരളില്‍ പിരിഷമുണ്ടേ...
കണ്‍പോള തിടമ്പിന്ന് തുടിയ്ക്കുന്നുണ്ടേ !
കണ്ണേ നിന്റേ വരവു കണ്ടേ...
കണ്ണില്‍ നിറയെ കനവുമുണ്ടേ !
മുല്ലപ്പൂവില്‍ മാല കോര്‍ത്തേ...
മുന്തിരി വള്ളികള്‍ പടര്‍ത്തിയിട്ടേ !
മുത്തേ യിന്നു നിന്‍ കല്ല്യാണം,
നാടെല്ലാമിന്നാഘോഷം !
ദഫ്ഫിന്‍ നാദം കേള്‍ക്കുന്നേ...
കോല്‍ക്കളിക്കൂട്ടം വരവുണ്ടേ...
ഒപ്പന പാടും പെണ്ണുങ്ങള്‍,
ഒത്തു കളിയ്ക്കാന്‍ കൂട്ടുണ്ടേ...
കൊഞ്ചല്‍ കേള്‍ക്കാന്‍ ആളെത്തീ...
കൊഞ്ചിപ്പാടും കുയിലല്ലേ...
കവിളില്‍ നാണം വിരിയുന്നൂ...
കളി ചൊല്ലാനിന്നാളായീ...
ഒന്നായിന്നും കാണുന്നേ,
എല്ലാവരിലും സന്തോഷം !
ഒന്നാകും നിന്‍ സ്വപ്‌നങ്ങള്‍,
എല്ലാമിന്നില്‍ പൂവണിയും !
No comments:
Post a Comment