NO DEVICE FOUND

"ഇക്കാന്‍റെ മൊബൈലില്‍ പഴയ മലയാളം പാട്ടുകളുണ്ടോ? "  മുറിയില്‍ പുതുതായി വന്ന പയ്യന്‍ എന്നോട്‍ ചോദിച്ചു !
"ഹാ കുറേ പാട്ടുകള്‍ ഞാന്‍ കയറ്റീട്ടുണ്ട്, എന്താ വേണോ ? "
ബെഡ്ഡില്‍ നിന്നും മൊബൈല്‍ കൈയ്യിലെടുത്തു കൊണ്ട് അവന്‍ പറഞ്ഞു : 

 " ഇക്കാ കുറച്ചു നല്ല പാട്ടുകള്‍ ഇതിലെയ്ക്കൊന്നു കയറ്റുമോ ? ഞാനൊന്നു പുറത്ത് പോയിട്ട് വരാം, ആരെങ്കിലും വിളിക്കുന്നെങ്കില്‍ അറ്റന്‍ഡ് ചെയ്യണ്ടാട്ടോ..."
"ഓക്കെടാ നീ പോയി വാ"  
നല്ലത് നോക്കി കുറച്ചു പാട്ടുകള്‍ സെലക്ട്‌ ചെയ്ത് അയക്കാനായി 
നോക്കിയപ്പോള്‍ ബ്ലൂടൂത്ത് കണക്ട് ആകുന്നില്ല !
മൊബൈലില്‍ എത്ര സെര്‍ച്ച്‌ ചെയ്തിട്ടും "NO DEVICES FOUND" എന്ന് മാത്രം കാണിക്കുന്നു !
"ഹയ്യോ ഇതെന്തു പറ്റി ? ഇതുവരെ കുഴപ്പമൊന്നുമില്ലായിരുന്നല്ലൊ " എന്ന് സ്വയം പറഞ്ഞു കൊണ്ട്  പഠിച്ച പണി പതിനെട്ടും പയറ്റി നോക്കി ! നോ രക്ഷ !!!
'NO DEVICES FOUND ' തന്നെ...
ഏകദേശം അര മണിക്കൂറിന് ശേഷം അവന്‍ തിരിച്ചു വന്നു !
മൊബൈല്‍ എടുത്തു നീട്ടിക്കൊണ്ടു ഞാന്‍ പറഞ്ഞു : " എന്തെന്നറിയില്ല ഇതില്‍ ബ്ലൂടൂത്ത് കണക്ട് ആവുന്നില്ല, പാട്ടൊന്നും കയറ്റാനായില്ല, സൊറിട്ടോ, എന്‍റെ മൊബൈലില്‍ സെര്‍ച്ച്‌ ചെയ്യുമ്പോള്‍ 'NO DEVICES FOUND ' എന്ന് തന്നെ കാണിച്ചു കൊണ്ടേയിരിക്കുന്നു, ഇനീപ്പോ എന്താ ചെയ്ക ?  "    
"ഹയ്യോ ഇക്കാ അത് തന്നെയാ എന്‍റെ മൊബൈലിന്‍റെ ബ്ലൂടൂത്ത് നെയിം"
"ഹ്ഹേത് ? "
"NO DEVICES FOUND"