ഇനിയെന്തു നല്‍കി പുണരും സഖീ...
വിടരുന്ന മിഴിയില്‍ നനവാകുമോ? ?
പതിവായിയോര്‍മ്മ മറയും നിഴല്‍,
പതിയുന്ന രാവുകള്‍ മൗനമോ...
വെറുതേ കുറിയ്ക്കുന്ന വരികള്‍ തരും
മനതാരു വിങ്ങും നോവുകള്‍...
മലര്‍വീണ പാടുന്ന സന്ധ്യയില്‍
മഴനൂലു പോലെന്നോര്‍മ്മകള്‍
പതിയുന്ന മണ്ണും തേങ്ങിയോ,
വിരഹാര്‍ദ്രമായെന്‍ നൊമ്പരം !
പുതുമഞ്ഞു വീണ പൂഞ്ചോലയില്‍
പതിയാതെ പോയ കാല്‍പ്പാടുകള്‍
വിതുമ്പുന്ന നെഞ്ചിന്‍ ഗദ്ഗദം,
അറിയാതെ യാമം മൂകമായി !
വെയില്‍കാറ്റ് ചുംബിച്ച പൂവുകള്‍-
വിറയാര്‍ന്നു വീഴുമീ വീഥികള്‍,
വിട ചൊല്ലി നോവിന്‍റെ താരകം -
അലയുന്നയാത്മാവ് സാക്ഷിയായി !
