എന്റെ എല്ലാ കൂട്ടുകാര്ക്കും ഹൃദയം നിറഞ്ഞ 'ഈദ് മുബാറക്ക്' നേരുന്നു !
'ഈദ് മുബാറക്ക്'
'ഈദ് മുബാറക്ക്'
ഇന്ന് എസ് എം എസ്സുകളായും മെയിലുകളായും നമ്മള് ഈദ് ആശംസകള് കൈമാറുന്നു !
'ഈദ് മുബാറക്ക്'
പരസ്പരം കാണുമ്പോള് കൈകള് കൊടുത്തു മുസാഫാത്(ആലിംഗനം) ചെയ്തു കൊണ്ട് നാം പറയുന്നു !
കുറച്ച് വര്ഷങ്ങള്ക്ക് മുന്പ് വരെ ഈ പദം ഇത്രയും പ്രചാരത്തില് ഉണ്ടായിരുണോ ?
പ്രത്യേകിച്ച് ഗ്രാമപ്രദേശങ്ങളില് ?
എന്തായാലും അതുമായി ബന്ധപ്പെട്ട് നടന്ന രസകരമായ ഒരു കഥയാണ് ഞാനിവിടെ വിവരിക്കുന്നത് :-
*****************************************************************
എന്റെ സുഹൃത്ത് 'ഷഫീക്ക്' രാവിലെ ഈദ് നമസ്കാരം കഴിഞ്ഞ് പള്ളിയില് നിന്നും ഇറങ്ങുമ്പോള് തന്റെ കളിക്കൂട്ടുകാരനായിരുന്ന കോയക്കായുടെ മകന് മുബാറക്കിനെ വളരെക്കാലങ്ങള്ക്ക് ശേഷം കണ്ടുമുട്ടുന്നതാണ് രംഗം !
വെളിനാട്ടിലെവിടെയോ പഠിക്കാന് പോയിരുന്ന മുബാറക്ക് ഈദിന്റെ അവധിയ്ക്ക് നാട്ടില് വന്നതാണ് !
ഷഫീക്കിനെ കണ്ടപാടെ മുബാറക്ക് ഓടി അടുത്തുവന്ന് ഇരുകൈയ്യും കൂട്ടിപ്പിടിച്ച് ഹസ്തദാനം നടത്തുന്നതിനോടൊപ്പം ഷഫീക്കിനോട് "ഈദ് മുബാറക്ക്" എന്നു പറഞ്ഞു...
സത്യത്തില് ഷഫീക്ക് ആദ്യമായി കേള്ക്കുകയായിരുന്നു ഇങ്ങനെയൊരു പദം !
ഈദുല് ഫിതര് എന്നും, ഹാപ്പി ഈദ് എന്നുമൊക്കെ ധാരാളം കേട്ടിരിയ്ക്കുന്നു...
അങ്ങനെയുള്ള അമ്പരപ്പില് നില്ക്കുമ്പോള് തീരെ പ്രതീക്ഷിക്കാതെ മുബാറക്ക് ഷഫീക്കുമായി മുസാഫത് ചെയ്യുവാന് തുനിഞ്ഞു !
ദൂരദര്ശന്റെ വാര്ത്തകള്ക്കിടയില് ഈദ് നമസ്കാരം കഴിഞ്ഞ് ആളുകള് ഇങ്ങനെ കെട്ടിപ്പിടിയ്ക്കുന്നത് കാണുമെങ്കിലും തനിയ്ക്കിത് ആദ്യത്തെ അനുഭവം !
അത് കൊണ്ട് തന്നെ വളരെ യാന്ത്രികമായിരുന്നു ഷഫീക്കിന്റെ ആലിംഗനം !
പെട്ടെന്നാണ് ഷഫീക്കിന്റെ തലയില് ഒരു ലഡ്ഡു പൊട്ടിയത് ! കണ്ണുകളില് ആനന്ദക്കണ്ണീര് തത്തിക്കളിച്ചു !
ഷഫീക്ക് ചുറ്റും കണ്ണോടിച്ചു ! കുറച്ച് ദൂരെ തന്റെ കുറേ കൂട്ടുകാര് കൂടി നില്ക്കുന്നു ! മുബാറക്കിനോട് സലാം പറഞ്ഞ് ഷഫീക്ക് അവരുടെ അടുത്തേയ്ക്ക് പാഞ്ഞു !
ആദ്യം മുന്നില്ക്കിട്ടിയവന്റെ കൈകള് കൂട്ടിപ്പിടിച്ചു,
( 'മുബാറക്ക്' എന്നു പേരുള്ളവന് 'ഈദ് മുബാറക്ക്' എന്നു പറഞ്ഞെങ്കില് 'ഷഫീക്ക്' എന്നു പേരുള്ളവന് എന്ത് പറയണം??? )
അതേ... അത് തന്നെ : "ഈദ് ഷഫീക്ക്"
കൂട്ടുകാരന് ഒന്ന് ഞെട്ടി ! ( ട്യൂം...... )
അവന് അതില് നിന്നും മുക്തമാവും മുന്പ് തന്നെ ഷഫീക്ക് ഒരു ഒന്ന് ഒന്നര കെട്ടിപ്പിടിയുമങ്ങു പാസ്സാക്കി ! ( ധീം തരികിട ധോം... )
ഷഫീക്കിന്റെ തലയില് വീണ്ടും ലഡ്ഡുക്കള് പൊട്ടുവാന് തുടങ്ങി, അതായത് ഒരൊറ്റ ആളിനെയും വെറുതേ വിട്ടില്ല എന്നു സാരം !
ശരിയ്ക്കും ഈദ് ഷഫീക്ക് അവിടെയൊരു വിളയാട്ടം തന്നെ നടത്തിയെന്ന് പറയാം !!!
അങ്ങനെയാണത്രേ ഷഫീക്കിന്റെ പേര് 'ഈദ് ഷഫീക്ക്' എന്നായി മാറിയത് !
എല്ലാ കൂട്ടുകാര്ക്കും ഒരിക്കല് കൂടി ഈദ് ആശംസകള് നേരുന്നു !