ആകെയിന്നീ ലോകമെന്നില് -
ആരുമില്ലാതന്ന്യമായി,
ആശ നല്കിയ പൈങ്കിളീയെന്-
നോവുമുള്ത്തടം കണ്ടുവോ ?
മഹറു നല്കീ, മാല ചാര്ത്തീ,
മാരനായീ വന്നു നിന്നു.
രാവുകള്ക്കന്നാകെയെന്റെ-
പാഴ്ക്കിനാവൊരു ഭാരമായീ !
കനവു പൂക്കും തീരമൊന്നില് -
കാത്തിരിയ്ക്കാമെന്നു ചൊല്ലീ,
കണ്ണുനീരാല് യാത്രയാക്കിയ-
നേരമൊന്നിന്നോര്ത്തുവോ ?
ഏഴു കടലും താണ്ടി ഞാനി-
ന്നേകനായീ മരുവിലിന്നും,
ഏതു കോണില് പോയിയാലും-
മായുകില്ലാ നിന്റെയോര്മ്മ !
കരഞ്ഞു കലങ്ങും മിഴിയതാലെ-
കരുണ തേടുന്നഞ്ചു നേരം !
അറിയുകില്ലീ വിധിയെനിക്കി-
ന്നെന്തിനായി നല്കീ ?
No comments:
Post a Comment