പ്രണയത്തിന്‍ പൂമണം !

പടിപ്പുര വാതില്‍ ഞാന്‍ - 

പതിയെ തുറന്നപ്പോള്‍, 

അകത്തളത്തില്‍ നിന്നും -

നിന്‍ സ്വരം കേള്‍ക്കവേ...

അരികത്തണയുവാന്‍,

പുഞ്ചിരിച്ചിറകുമായ്,

പറന്നുവെന്‍ കണ്മുന്നില്‍, 

ഒരു കുഞ്ഞുപ്രാവ് പോല്‍...

ഒരുവേള  മിഴി പൂട്ടി -

വാരിപ്പുണര്‍ന്നു ഞാന്‍, 

അകതാരില്‍ സ്വര്‍ഗ്ഗത്തിന്‍ -

പൂങ്കാവനമൊരുങ്ങുകയായ് !

കിളികൊഞ്ചല്‍, പരിഭവങ്ങള്‍ -

കവിളത്തായ് മുത്തങ്ങള്‍,

നീയെന്‍റെ കൂട്ടിനില്ലേല്‍ -

ഞാനില്ലാ പൊന്മയിലേ...

മഴമേഘം ആഗതമായ് - 

മഴക്കിളികള്‍ പാടുകയായ്‌..

നിന്‍കൈയ്യും കോര്‍ത്തുപിടിച്ച്, 

ചൊല്ലും ഞാന്‍ പിരിയില്ലാ..

എന്നും നിന്നരികത്തായ്,

പ്രണയത്തിന്‍ പൂമണമായ് ...