വിട ചൊല്ലിയകലുമീ വിരഹാര്ദ്ര യാമത്തില് -
ഒരു മിഴിനീര്ത്തുള്ളി വീണലിഞ്ഞൂ...
പൊരുളറിയാതെയെന്നനുരാഗ ശില്പ്പങ്ങള് -
വഴി മറന്നെങ്ങോ പോയണഞ്ഞൂ...
ഇനിയെത്ര നാളിതെന്നറിയാതെ ഞാനൊരു -
ചപല സങ്കല്പ്പമായി നിന്നൂ...
സ്വന്തമെന്നൊന്നു കരുതീ നിന്നില് ഞാന് -
സാന്ത്വനമാവാന് കൊതിച്ചൂ...
എനിക്കേറ്റം പ്രിയമായി, എനിക്കേറെ വരമായി -
ഞാനറിയാതൊരു നിഴലായി വന്നൂ...
സ്വപ്നങ്ങള് പൂക്കുന്ന താഴ്വരയില് നമ്മള് -
സ്വപ്നഹാരങ്ങള് കൊരുത്തൂ...
ഇരുള് വീണ ജന്മത്തിന് പകലാണ് നീയെന്നെന് -
ഹൃദയത്തില് മെല്ലേയെഴുതീ...
അറിയുന്നു പോകുവതെന്തെന്നുമെല്ലാം -
ഞാനെന്ന രൂപത്തിന് ശാപം !
No comments:
Post a Comment